當肥牛遇上女王時

今日去醫生o個度睇報告, 結果顯示個胃雖然有發炎既跡象,
但發炎既程度唔應該會咁痛。而組織內發現有少量幽門螺旋菌,
這個程度的含菌量也不應該會有我呢個程度既胃痛...
佢話如果再要check, 可以check埋其他內臟,
因為某些內臟既痛的位置同個胃差不多, 好易令人混淆...
如果check完都係冇野, 就可能是由壓力引起, 要做一些針對壓力的治療
e.g. 用血清素...


我問佢有幽門螺旋菌好似唔代表個胃有事,
佢就話殺呢隻菌主要係因為呢隻菌會增加患胃癌既機會, 所以幫我清左佢...


咁即係點﹖我既胃痛係由乜野引起﹖個report似乎解釋唔到。
唔通真係由我的生活壓力引起﹖我份工作的確給我很多壓力,
我原本也想在4-5月辭職的... 但辭職後邊度搵錢去醫病﹖
萬一辭職後個胃都仲痛未死﹖
睇一次呢d專科醫生好貴, 光係醫生費已經每次450, 再加上藥錢....
今日就已經花左千多元.....
結果只可以在這個"工作-->引起壓力-->病-->為了醫病而工作-->引起壓力-->病"這個loop上loop死嗎.....


知道胃痛的原因都仲可以對症下藥, 但現在做完檢查都唔知原因,
今次有排煩...拎藥既時候姑娘仲話食左d藥個胃可能會唔舒服...
我現在個胃已經好唔舒服啦, 仲要食呢d藥﹖都係預備定聽日睇多次醫生吧=.=


今日有一發現: 原來呢個醫生係警隊的唔知乜野醫療顧問,
不過我睇唔到係現在式還是過去式。唔怪得之收咁貴啦