當肥牛遇上女王時

繼上個星期"豬家-E"個邊走左一個只係做左兩個星期既marketing之後
Purchase個邊星期二請左個新既senior buyer
星期三早上就已經唔見左人
本來呢d事係呢間公司係司空見慣, 一d感覺都無
不過今日又聽到另一消息, 令我驚訝左10秒－．－
(真係只有10秒)


話說今日"B&Z"個邊既阿姐走黎問我:
"可唔可以將某兩個email address 收入黎既email複製一份fwd去我acc"
通常呢招係用黎check d就離職既員工既email
費事佢地走之前搞搞震, 既然阿姐有甘既request, 即係又有人走啦
當我見佢將那兩個email address寫緊出黎既時候
我就當場傻眼了

那...那....那不就是我之前提及過的那兩個澳門女同事嗎?
仲要係齊齊走人甘激?


本來"B&Z"澳門office就只係得3個同事
後來走左2個, 請左而家那兩位女同事
阿姐身在香港, 某程度可以算說"山高皇帝遠"
照理佢地3個同事係澳門應該好舒服
雖然有時都聽佢地提過佢地阿姐日日"魔call追魂"
不過也未至於搞到要走人吧
甘即係澳門office將會係第二次得返一個人"看屋"


我係度快半年了, 這半年內差不多走左25人吧
我成日都覺得, 好不容易才跟同事混熟了
轉過頭他們就要走了, 這情況也太密了吧
總覺得有點要XYZ, 即係叫我不要跟新同事打關係嗎?


今日一直係度諗, 係呢間公司風水有問題,
定係正常既人根本唔可以留係呢間公司??
我自問仲好正常, 唔通我都開始有病嗎?
而我又究竟可以留係呢度幾耐呢?


看來都係個句: 自求多福吧... 阿門