當肥牛遇上女王時

人物關係表: 阿head = 部門阿頭, 女上司 = under阿head而又比我高級的職員

上一篇文章講到因女上司想check完我做的文件後才放我走，
搞到我遲到，其實這件事還有下文。


昨天她可能是因為工作太趕，而且如果ｄ文件有錯，佢就會俾人插，
所以她一定要check晒先走，令她心情非常炆憎，
打keyboard時非常大力，又大力的拍文件，總之就非常disturbing。
今天她還專登返來check完文件先走。
原以為經過一晚後佢既心情應該已經平伏，點知仲係同尋晚一樣，
搞到我都冇晒mood。好彩佢一直都只是忟自己，冇發我地脾氣。


其實一開始的時候佢冇咁忟的，但後來我另一同事唔知check緊乜野，
忽視發現左我女上司處理中的其中一份文件有問題，
然後佢地就argue左一輪應該要點做。之後我阿head忍唔住出聲，
提供左一個簡單的解決方法。可能因為我女上司覺得衰左，
而個個同事又講極都唔明，所以之後就更加忟了。


今天佢走左後，阿head叫我地重新check過我女上司check過的文件，
因為在心情唔好的情況下做野係好容易錯的。
而且佢和另一同事講番其實發覺女上司有ｄ野係做錯左的，
但因為當時風頭火勢，所以冇人敢出聲．．．
結果未來數天大家仍然要繼續努力．．．
還有尋晚佢有成座山高的文件要check，佢應該同其他人講要點樣做，
等大家一齊做，由 2 - 3個同事cross check，咁就一定唔會錯，
而唔應該攪晒ｄ野上身。


呢件事教訓我地，有時靜心下來想一想，就會搵到更好的解決方法。
自己發自己脾氣，不但影響到自己，還會影響到整個部門的工作氣氛．．．
還有不要將所有工作攬晒上身＝．＝；


阿頭不愧為阿頭，有幾十年工作經驗，處事方法果然老練好多－ｖ－