當肥牛遇上女王時

(有關南蓮園池其他資料, 請按這裡看上一篇文章)

今日自己一個去行志蓮和南蓮園池。
去到志蓮, 先知佢個大殿既開放時間係每日9am-4:30pm,
我去到時已經4:35pm, 所以冇得睇~ 跟住我就行左去園池。


今天園池沒有播放中樂, 改為鋼琴彈奏的不知明樂曲。
不過有一首歌的部份旋律跟Les Misérables的其中一首歌一樣,
都唔知佢播乜野歌=.= 個人比較喜歡中樂, 特別係古琴,
可以令人心境比較寧靜, 跟園池的"禪"或"佛"的背景更加相配。


園池內的餐廳有下午茶, 不過似乎因為遊人太少, 所以冇人去食,
而且唔知有乜野食呢。至於可以茗茶的"松茶榭",
今日我有去睇下佢d價錢, 最平的一種茶要$120, 真係貴....


今日我第一次去參觀園內的石館。
入面d石的確很特別, 其中有3塊石係冇圍欄的, 可以俾人坐,
感受一下藝術氣息, 呢個idea唔錯~~


賣手信的地方除了有賣中式手信外, 仲有賣健康食品,
e.g. 外國牌子的果汁, 餅乾, 黑豆, 杏油, 海澡沙律, 香港製造的芝麻醬...等等,
完全跟園池九唔搭八, 唔知做乜。
上次我仲見到有用意大利材料, 香港製造的朱古力賣, 價錢都唔平添..........


去左幾次園池, 我比較喜歡夜晚去。
夜晚的氣氛可以令人更加放鬆和寧靜, 景色方面另有一番風味。
如果去"松茶榭"茗茶的話, 就可以到茶居對著湖的迴廊欣賞風景。
迴廊在牆腳的燈光襯托下, 真的很浪漫, 很有詩意。