當肥牛遇上女王時

近來覺得自己越來越「崇日」, 不單瘋狂的迷上日劇之外
還迷上左日本小說
整個6月我都在看《smap x smap》,
成個05年的《smap x smap》我都全看了(差不多50集),
他們的搞笑能力真係好多HK artist點比都比唔上
難怪這個節目做了十年, 依然在日本大受歡迎
看他們做節目, 總覺得他們是寓工作於娛樂, 名義上是搞笑,
實際上是他們可以藉此節目去試新野玩新野,
整蠱環節通常都係整蠱返自己smap既member
感覺他們好似係"柴娃娃"去整蠱對方, 以達到自娛的目的
可能遲d可以開一篇blog去介紹下這個節目, 因為真係勁好笑


至於近來會中"日劇毒",
係因為睇左smap既其中一位成員 「中居正廣」主演的《白い影》
女主角是飾演過「木村拓哉」個套《Pride》女主角的「竹內結子」
原本會睇呢套日劇是因為《smap x smap》中的 「中居」很有趣
想睇下佢拍劇時係咩一個樣,
而中居04年所主演的《砂之器》更擊敗「木村拓哉」個套《Pride》而成為當年的日劇最佳男主角,
可以擊敗萬人迷木村..... 呢一個point就令我開始留意中居
而《白い影》的中居跟他現實本人的性格可以話係180度相反
睇完《白い影》之後, 不但中左好重既日劇毒,
仲中左好重既「中居毒」.... 中居既演技簡直係出乎意料的好
聽聞《砂之器》係一套悲劇片, 下星期我應該會抽時間睇
唔知中居既演技會唔會再一次帶俾我驚喜 :p


工作方面, 6月初我離開了公司,
現在正在某間中資銀行做system support
等左甘耐終於有呢個job title, 果然係"魚唔過塘唔肥"
salary也比之前的好得不得了, 看來如果無咩大事發生
我希望可以係度做返3,4年.... (望就甘望啦)


上個星期我家姐同我慶祝生日時
家姐突然問我: 「你同牛妹鬧左交呀?」
我咩都無同佢講佢都竟然知道.....
佢了解我既程度真係可以用"恐怖"來形容
其實又唔係鬧交, 只係性格/處事方式等等既不同,
搞到爭執多左, 關係好似有d 滑落甘ju


其實我自己都感覺到有d變化 (我指我自己個方面)
上年生日收到牛妹既禮物後,
急不及待的寫左個blog上黎(好似哂命甘)
不過今年生日收到牛妹既禮物到而家, 我卻忘記左想寫blog.....
而家想補返都有d難....
因為其中一份禮物係牛妹親手整的朱古力Mousse蛋糕
個蛋糕第2日就已經俾我食左一半..... 無影到相真係有d失策


而家正打算係整返個似樣d既blog
唔係太想再用msn個個囉.....
但係又要用MySQL黎set.... 無用甘多年有d懶去搞
當然可能連內容都想來個大改革,
比較想寫日劇及小說的觀後感
呢d 應該會比較多人想睇吧 :p