當肥牛遇上女王時

今日公司有個40來歳的男manager撞傷頭搞到要叫白車。
話說我地既officer在走廊的tray上整理文件時, 那位manager想嚇佢,
於是就跳起, 點知佢唔記得左o個度有個比較矮的門框(有冇搞錯), 咁就撞到頭頂。


我同事(officer)聽到有聲, 轉頭一望, 就見到佢起飛腳咁向後跌,
訓左o係地下, 於是我o個位同事就叫我地出來睇睇。
最初以為佢跌親, 點知當officer小姐行埋去一摸個頭, 就發覺成手血,
另一位同事仲話見到有血滴出來添。於是我地即刻搵紙巾,
由officer小姐幫佢用紙巾按住傷口, 同埋搵識first aid既同事, 然後叫人call白車。


係等既其間, 受傷人仕話佢覺得個頭凹左, officer小姐又話有舊野跌左出來,
好鬼恐怖, 好彩傷者冇頭暈, 而且仲識得講笑添。
本來佢撞穿頭的理由(為左嚇人而跳高撞穿頭)我地都唔想揚開去,
點知在老闆秘書和其他dept的同事在場既情況下,
佢都話自己係因為跳高所以撞到, 咁搞法, 想唔揚開去都唔得啦,
仲唔知有冇得claim工傷添。後來佢自己都有同人講點解撞親。
搞笑的是我同其中一位同事講佢跳高撞親時, o個位同事即刻估到佢係想嚇人。
我地dept的project manager笑佢係傻仔=v= 佢呢單野有排俾人笑


講番傷者被送到去醫院後的事吧~
話說佢個傷口大慨有1吋, 俾個護士幫佢縫左10針,
仲要係清楚feel到佢枝針拮落去, 手勢好差。
縫完後, 個醫生行埋來同個護士講"我都未睇, 做乜咁快縫埋?",
跟住就幫佢拆番d線, 可想而知幾咁痛~.~
醫生睇完後就幫佢縫左3針... 10針同3針, 實在差得太遠了=.=