當肥牛遇上女王時

上年生日, cathy係我生日前兩天[**]在icq同我講"生日快樂"
之後既沒有致電給我, 也沒有找我出黎食飯慶祝了
(曾大小姐有無約我就忘記了)
我就知道我所謂的修補關係只是一場妄想
[ **註: 點解係兩天前? 因為icq入面會預早在某人生日前兩天發出提示]
(這背後所反映的意義嘛.... 明就明, 唔明我也不講了)


其實我連我自己的生日也不太重視
什麼生日快樂什麼食飯慶祝, 隨意就好
只要記得我就得
當時知道修補關係只是一場夢
我也抱持放棄態度, 順其自然
也沒再刻意打電話嘗試跟她聊天
她上年的生日, 我也沒主動想做什麼
也是因為曾大小姐約我, 我抱住平常心去赴約而已


到後來大多是靠ICQ/MSN來聯絡
可是每次總是跟她傾不到十句她就下線了
我覺得有點失落... 或許用無奈來形容會比較貼切一點吧


再之後她失戀.... 她家人患病....
也是事後兩個月才從曾大小姐口中得知....
我就覺得我跟她連普通朋友都不如了
(當然, 對方有權唔同你講任何私事
也不一定要找你作為傾訴對象
不過亦由此可得知, 我們雙方的關係去到什麼程度了...)


前幾天我捉牛妹陪我去影"貼紙卡"
令我想搵返以前同所有朋友影過既貼紙卡/貼紙相
這又再一次令我想起cathy
雖然以前同佢影呢d卡既時候無咩特別回憶
(牛之聲: 始終都係牛妹好玩好多－ｖ－　女女乖呀～)
不過而家睇返d舊相, 感覺很複雜...


今年我生日, 我自己就直接約曾大小姐食din
並聲明"唔好又黎3人行" "她要約我就自然會約
後來唔知係咪曾大小姐通水,
係7月7號那天臨放工前收到久違了之來電
(她對上一次call我是在何時? 1年前? 1年半前?)
她想邀請我第二天晚上食飯
可是卻遇上當時爆緊鑊+俾老細噴完奶既我,
根本未有心情思考任何野
就答: "明晚唔知得唔得, 我遲d覆返你啦" 之後就收左線了
最後個晚都ot到8點先走,
原本係想試下如果唔搵佢, 佢仲會唔會搵我
後來返到屋企食完飯洗完白白之後唔夠10點就昏迷左
結果真的忘記了這件事
而之後再也沒收到cathy任何一個來電了...


8月中是cathy的生日, 我連同佢講句happy birthday都忘記左...
當時我連續幾個星期都要香港<->大陸布吉 兩邊走
腦中除左會諗"快d返屋企訓覺"之外, 根本咩都唔想諗
(當然, 這不能作為沒有跟朋友祝賀生日的一個正當理由)
之後我想講的重點係:
後來兩日後我從曾大小姐口中得知 (怎麼又是她?)
cathy跟她說我連一聲happy birthday都無同佢講
所以有D唔開心甘話
聽到之後我只有一個反應:
既然係甘, 點解唔打個電話黎話下我鬧下我
連msn都無一個....
我寧願佢打黎話我無心肝, 話我無佢心
也總好過要我從第3者口中才得知
(還是她根本就覺得我沒必要知道她的感受?)


自那一刻開始, 我就決定將這個人從"心之名單"中刪掉了....


其實看到本blog的題目, 也令自己有點無奈
"以前".... past tense.... 即是我們已經完結嗎?


"現在的我是由過去的我所構成的"