身在福中不知福 - 當肥牛遇上女王時 -       我們沉迷輕小說的每一天

身在福中不知福

[不指定 2005/10/12 20:43 | by 肥牛 ]
| |


近來我家姐因為疾病纏身的原故
(再加上佢係一個電視迷, 而且跟我一樣都是半自閉的)
所以都有成差唔多兩個月無同佢好好地甘食餐飯傾下計


昨日假期佢終於"抽到"時間出黎同我食lunch
真的是我的榮幸咧-v-|||
家姐唔係B型人仕, 不過一開始講唔夠幾句就B起來了
(無計, 我係Middle B嘛~)


連我家姐都覺得我開心左, 也難怪佢睇得出既
近排成日飲"雞湯", 心情自然好~
於是整個飯局(可以說是整個下午)既話題都圍繞在雞湯身上
我地講過d咩嘛.... 嘿嘿嘿嘿, 太秘密所以唔寫出來了
(其實係太多了, 打哂出黎真係天光都似)
如果某牛想知道的話, 就想辦法"盤"我吧 XD


係尖沙咀和民食完好好味既好焼き之後去左Sogo行左一陣,
去到一間Boutique前面時
我見到入面d 幾靚, 原本想買俾牛妹等佢開心下
不過突然醒起牛妹講過連佢自己既腰圍係幾多都唔知=.=
唉.... 正想走之際, 我家姐就話不如買過第二樣野俾佢
基於種種因素的限制, 最後決定買髮夾
在選髮夾的時候, 我家姐不停將佢既惡趣味表露出來
佢竟然提議買"毛毛球"型既髮夾=.= (暴汗)
我絕對相信牛妹唔會用囉
要用黎扮可愛時例外-v- (佢唔扮都可愛啦..... ~~~)
結果因為款式既問題, 我同佢爭拗左差唔多45分鐘
(佢話我選既款色唔夠sharp, 仲話我老土wor=.=)
最後佢仲要拖埋個女sales落水要個sales俾埋意見tim~.~||
結果俾個女sales搵到一隻我同家姐都無為意到既款式
佢一拎出黎, 我同家姐見到後竟然同時間講: 呢款掂呀~
(早知就搵個女sales黎就唔駛搞甘耐啦-.-|||)
另外我之前見牛妹個手提電話無電話繩
雖然佢話用電話繩唔方便, 不過我又忍唔住手買左
最後去俾錢時, 我家姐又要同我搶
我覺得唔好意思, 猛話唔駛, 不過都係拗佢唔過
最後唯有俾佢注資入股-.-||


食飯既時候, 我家姐話覺得我好鍚牛妹
仲話我鍚得有d過份tim=.=
其實我家姐咪又係一樣甘錫我
也許是愛屋及烏的關係吧
我相信家姐其實係一開始就想買d野送俾牛妹
佢呢份心意令我好開心囉, 仲開心過佢送野俾我
覺得家姐能夠了解我, 認同我(有個妹), 真的令我覺得很感動
(又黎啦, 難怪俾人話我過份疼愛某隻牛)


之前總覺得自己係一個人
其實係牛身在福中不知福呢...

肥牛の私人空間(非輕小說相關) » 肥牛の回憶錄 | 評論(0) | 引用(0) | 閱讀(4176)
發表評論
表情
emotemotemotemotemot
emotemotemotemotemot
emotemotemotemotemot
emotemotemotemotemot
emotemotemotemotemot
開啟HTML
開啟UBB
開啟表情
隱藏
暱稱   密碼   訪客無需密碼
網址   電郵   [註冊]
               

驗證碼 不大小寫視為相異