Rickdias 製作前言

其實今次無咩製作前言.... 只係在電擊比賽見到有兩位參賽者整Rickdias整得幾好(可惜他們沒有入圍)，於是令我有一股衝動想整返一隻，再加上有家中有副買左2年都未開盒既rickdias，於是就決定左今次既製作。不過呢.... 我好似砌得太多Rickdias了，今次已經係第5隻.....

簡略製作過程

今次比較多地方改動過，首先係前裙甲加長左7mm，加闊左1.5mm；後裙甲的斜度改高左20度，並加長了5mm，由於斜度改高左，雙腳可以作更大幅度的擺動(只能說這隻HGUC的原設真的很差，唔改既話幾乎係一隻"非可動模型")；左右裙甲跟腰的接合位亦修正過。膝蓋部份，用畢地將其改成近似MG版Rickdias的膝蓋外型；最後在全身上下追加detail位及刻線。

上色方面，原本來打算以紅色為主色，不過感覺上我近來砌的模型都大多是跟紅色有關，於是改成深藍色，並第一次試用SP迷彩(ЗкэЧУみ迷彩，類似例子: 請接我 )；試噴過後才發覺現要噴成這種迷彩有少少難度呢....

後記

其實使用SP迷彩係臨近上色時才突然決定的，雖然這種迷彩幾特別，可惜由於我選色不當(深藍+天空藍.... 深藍好似太深色了......) ，令到出黎既效果只屬一般(我自己就唔係太滿意啦=.=)；亦因為臨時才改主色，結果這一種迷彩令我大部份既刻線位完全唔顯眼..... 亦成為左今次另一個敗筆.... 雖然我覺得今次在改造的各部份都整得好好，無奈選色上既失敗，令可觀度大打折扣..... 今次叫做受到一個教訓..... 叫自己以後唔好隨便改動自己原訂既design呢 =.=