Buster Gundam 製作源由

小弟其實 "玩" 模型都有十幾年, 不過認真學習砌模型都係一年前左右. 當時日本正在播 Seed, 小弟被 Seed 前半的五台 Gundam 所吸引。 一口氣買了五部 Gundam 的 HG 版模型返去砌, 兩個月內邊學邊砌左三隻, 另外兩隻係最近一個月才砌的. 呢隻就係五台之中最後完成的一台, 剛在上星期完成。

因為係自娛之作, 冇做特別改造, 簡單上色. 而且為配合一年前製作之同系模型, 冇做陰影. (一年前唔識玩陰影, 仲用 Gundam Marker 畫線, 滲線都未識) 少少改造係肩膀頂改成裝甲接繨樣式, 減少上色之麻煩。 某些部份小弟冇跟足設定, 以減少麻煩及增加真實感。 例如肩膀的炮彈發射器. 內部本來應該係深灰色, 炮彈為啡紅色....
但小弟覺得這樣上色很費時, 而且, 炮彈這種消耗品, 為何要上色呢 ? 於是省去了深灰塗裝, 沿用外殼的暗綠色, 彈頭以重金屬黃銅色代表。 這樣可省功夫之外也不致影響整件作品效果, 大家愛跟設定上色人仕不妨"抄考"。

後記

五台高達也完成了, 現在暫時沒什麼目標, 很輕鬆。 果然, 砌模型要輕鬆砌才會開心. 如果像某些人, 砌模型也要左算人右算人, 甚至去到用來出風頭, 實在浪費了一件好模型, 也浪費了自己的生命, 大家一同 Enjoy吧 !