標題:兄弟 出處:當肥牛遇上女王時 時間:Mon, 25 Sep 2006 20:52:05 +0000 作者:肥牛 地址:http://www.kozue-studio.org/blog/read.php?49 內容: 近來有位好朋友要補擺結婚酒 我有幸被邀請做這位好友的"兄弟" 前兩日為了令各"兄弟姊妹"見下面, 所以一齊去左九龍灣食自助餐 這對新人其實是從中學時認識的, 而且還是同校 投身社會工作後, 一直拍拖拍到早兩年先結婚 而家佢們已經有自己既家, 一齊努力供樓中 由於他們兩公婆本來就是中學同學 所以女家個面既"姊妹"全部都是中學同學 男家既"兄弟"則有一半是中學同學, 一半是在網上認識的朋友 (我就係網上認識的其中一個) 網上認識的那群"兄弟"其實我都算認識的, 叫做見過幾次面 個晚既自助餐聚會, 網上認識的那群"兄弟", 5個只係得2個出席 (當然我係其中一個), 結果當那堆男家既"兄弟"跟女家既"姊妹"有講有笑時 我跟另一位朋友根本就無從插嘴 (我又唔認識佢地) 看到我身旁那位朋友沒法搭嘴+不自然的表情, 還真有點搞笑 至於我嘛, 整晚都面帶笑容"靜坐", 雖然無法融入大家的話題 但總不能表現出那種不自然的感覺 其實我本來就不喜歡這類應酬 如果大家互不相識的聚會, 還好一點 如果聚會中大部份的人各自都是早已認識, 唯獨不認識你的話 那種"異類"的感覺就真的很令人討厭 不過這種喜事對我來說應該不會太多, 本來我既朋友就很少 =.= 照理應該唔會再有機會做人既"兄弟"架啦 所以一次半次我就忍耐下吧 唉, 看來自己真的越來越不懂得去交際 真不敢想像我30歲時會係咩樣........ Generated by Bo-blog 2.1.0