標題:南蓮園池 出處:當肥牛遇上女王時 時間:Wed, 31 Jan 2007 16:06:55 +0000 作者:女王 地址:http://www.kozue-studio.org/blog/read.php?137 內容: 1月15日我同屋企人去左志蓮的南蓮園池。 入面的環境唔錯, 路上不斷播放中樂, 很relax。 路旁有很多形態好靚的樹木和石塊, 而唔係公園o個d普通貨色: 可惜的是入面好多路都封左, 包括金塔。 因為最初開放時太多人唔愛惜d野喇..... 其實就算管理公司點樣教育d人唔好破壞園內設施都係冇用, 香港實在太多人冇公德心喇...更何況我從來都唔覺得香港人有公德心。 而且你最多只可以教育本地人, 但d旅客呢﹖well..... 園內有一個現代藝術家的陶瓷展覽, 值得參觀。 園內的建築也有一些特色。留意下圖的箭咀指著的地方, 那是用來讓簷篷上的水流到水渠的, 從外表上睇唔出呢。 下圖就是園內餐廳的外觀了, 係未好想入去食齋呢﹖ 餐廳的午飯時間好像由11:00開始至2:00pm, 在這期間你都可以入來食齋, 每位價錢$75 不收加一, 有4餸+1湯+生果。 晚飯時間由6:00pm 開始至8:30pm, 每位價錢$100, 也是不收加一的, 有5餸一湯+生果。 白飯任食, 如要加餸就要收多一個人既錢。 你喜歡的話也可以俾Tips, 但每撥入園內經費, 不會俾伙記。 lunch 和 dinner的菜色都係既定, 冇得你選。 菜色方面幾清淡, 沒有炸野和麵筯。o個碗湯好清甜, 有粟米和蘿蔔。 我未飲過咁清甜既湯的。其他菜色都ok。 不過餐廳在安排入內進膳方面要改善一下了。 我同屋企人(4人)12點到餐廳, 等左40分鐘先有位。 其間reception不斷安排2人既先入內, 激鬼死。 入到去原來仲有好多位的... 可能餐廳既人手唔夠吧。 招乎我地既小姐亦都很生手, 我屋企人懷疑可能係學生來實習呢。 園內有另一間餐廳專係茗茶的, 最平的一壺茶也要100多元。 但這間餐廳建在湖上, 可以望到成個湖的境色, 而且內裡的裝修都好靚, 就好似人地拍劇取境的地點。特別在夜晚時, 一定會好正~ 以下呢張相只影到餐廳的一角: 未去過的朋友快d去吧~ 下次聚會的地點可以考慮去呢度~ 夜晚的境色也不錯的, 另有一種氣氛~ (公園夜晚9:00關門) 網址: http://www.nanliangarden.org/ 相簿有更多的園照~~~ Generated by Bo-blog 2.1.0