標題：睇完跌打後勁痛=.=
出處：當肥牛遇上女王時
時間：Sun, 26 Feb 2006 11:23:11 +0000
作者：女王
地址：http://www.kozue-studio.org/blog/read.php?125

內容：
隻腳過左10日都未好, 於是今日叫阿媽陪我走去睇跌打。
阿媽帶左我去一間在慈雲山而佢未睇過(!!), 
但個創辦人好出名的一間新派跌打舖度睇。個醫師幫我睇症時,
先用一d會放出電流令肌肉放鬆的儀器, 跟住再幫我睇隻腳。

 
個醫師話我隻腳d唔知筋or"較"移在位, 我心諗"今次大鑊喇"。
佢幫我移位時痛到阿媽都唔認得, 即場喊左出來, 手都震埋。
佢見我頂唔住, 就幫我整左一半先, 下星期一先再整.....
諗起都驚呀, 分分鐘星期一都未拗得番正隻腳=.=
 

最初佢整完試行時都冇咁痛, 但佢幫我貼完藥膏, 扎完腳後, 
返到屋企就覺得仲痛過頭先。可能d藥令血氣運行, 腳和手o係咁出冷汗, 
而且隻腳唔郁都痛, 仲衰過未整之前。
拗柴以來我都未試過想食止痛藥, 但今次真係想食...
仲想下次食左先睇跌打添.........
 

現在隻腳條筋咁痛, 仲痛過未整之前, 星期一都唔知點返工....




Generated by Bo-blog 2.1.0