當肥牛遇上女王時

1. 我既胃病仲未好番, 之前睇左起碼4次醫生了, 跟住仲要傷風...
我個同事話佢紅磡o個個醫生幾好, 於是我就走去睇。
睇醫生時, 我一邊講我個病徵, 佢就係咁望住部電腦來輸入資料。
我覺得佢唔係幾專重病人...

佢入完資料後, 就開始同我吹水。
佢問我平時係未壓力大(仲乜個個醫生都咁問﹖好似一定關壓力事咁),
個人係未易緊張。我話工作壓力大, 於是佢就同我講道理喇...
佢叫我面對工作時嘗試由另一個角度諗,
又話平時過馬路唔只會小心, 唔會緊張, 正如工作做左一段時間後都係咁....  =.=

佢話成個療程要食10多日藥...希望今次可以好番啦


2. 情人節當日, 阿頭叫我地一齊出去食lunch, 食完後落樓梯時,
可能因為食完藥個人精神不集中, 結果唔知點解差錯腳,
由2級樓梯度跌左落o黎而拗柴。
我未試過拗得咁厲害的, 隻左腳腫左。好彩只係拗一隻腳。
之後阿頭同另一同事即刻同我打的去QE照X光。
佢地好好人, 全程都陪住我, 搞到我勁唔好意思。
照完X光, 好彩d骨冇事, 醫生仲俾左4日假我添, 發達喇, 我想放長假好耐喍喇。
之後我call左阿媽來, 等到睇完醫生後, 阿媽和阿頭陪左我番屋企。