當肥牛遇上女王時

星期六夜晚我一返到屋企就疲倦到趴係張床度,
但一訓落去, 發覺張床d質感硬左,
原來係我老媽子趁我不在的時候將張「蓆」放左係床單同床褥中間
(我最討厭「蓆」呢樣野－．－)
於是我即時將張「蓆」抽起掟返俾老媽子
老媽子話：做咩抽出黎呀，你訓落去都唔會感覺到有咩唔同啦

我心想：甘我係憑咩黎發現多左張「蓆」呢……


星期日, 我係廳開住部laptop,
千叮萬囑老媽子唔好熄我部機
後來亦因為疲倦過度, 係房到訓著左
醒返之後發現部laptop熄左,
於是問老媽子搞咩熄我部機
佢答: “係你訓覺個時有問到你熄唔熄得架wo”


....老媽子喔老媽子喔, 我要在此多謝你先,
因為我今晚就要洗劫你個銀包,
當然, 我會尊重你,
我會等你零晨3點熟睡之際問你可唔可以羅哂你銀包d錢~~


星期一, 4點約左個fd食tea,
3點午睡完(又係訓完覺中招)後覺得自己未訓醒有d呆滯
就坐係廳到睇老媽子打機(玩緊大富翁之類既game)
我一坐落去唔夠30秒, 老媽子就係game入面行錯方向,
被逼要多行一個圈, 於是老媽子就話啦:
“最衰你出聲嘈生哂, 搞到我行錯”


當時我覺得頭上有隻烏鴉無聲的飛過……. (猜一成語 XD)

(謎之聲: 這…. 算是那門子的奇遇喔)