http://www.kozue-studio.org/blog/index.php zh-tw http://www.kozue-studio.org/blog/read.php? 肥牛 <cow@kozue-studio.org> Tue, 05 Dec 2006 02:57:58 +0000 http://www.kozue-studio.org/blog/read.php?
近來在一個blog中看到幾篇談及「港女」的文章 (注2)
除了有點搞笑之外, 也有值得玩味之處
原文作者kykykyky 認為「港女」自私自利、不可一世、階級意識、言行不一、盲目跟風、貪得無厭
其實我也遇過不少這些所謂「港女」(我遇到的是同時具備 紅字 特質的)
現在就轉點過來公諸同好~~


----------------------轉貼過來的正文--------------------

Blog題目: 應該係

「Fred，想提你一句，聽日我映畢業相呀。」

「0下？關我乜事呀？」

「咁你係咪阿Greg個friend呀？咁我係咪阿Greg個女朋友呀？咁你係咪識影相呀？」





「Fred，我依家要去行Takashimaya睇下Hermes既新貨，你應該冇乜野做架啦，唔該同我一齊去。」

「我想去早稻田參觀喎。」

「咁我係女仔黎架喎，我俾人捉左咁點算呀？」

「但你條仔已經同你一齊行啦。」

「佢唔識日文呀嘛。」

（但我都好似唔識日文喎）





「Fred，見你咁悶一個人係到曬太陽。0拿，等我教你玩D好野啦。我地0岩0岩租左架四驅車，過黎同我地一齊玩啦。」

「但係我寧願一個人曬太陽喎。」

「唔得！架車可以坐四個人，你唔坐，咁我地咪要俾多好多囉。」





「Fred，你睇緊乜野呀？」

「蒙田既書。」

「讀過啦，我會考個年出正《竹林深處人渣》個題。TIP中晒。」

（《竹林深處人渣》作者叫黃蒙田）






「Fred，聽講隔離組個阿GER0岩0岩俾女飛完，依家重俾人炒埋喎。」

「好似係。話時話，聽講佢好欣賞你架，時不時係人面前讚你靚。」

「（彈起）我啋，閘住。我警告你，以後唔准將我同呢個idiot扯埋黎講。我寧願俾阿KEN（同組阿GER）姦都唔想俾佢欣賞。呵呵呵（掩嘴）。」





「Fred，你知唔知阿Greg0岩0岩識我個陣幾蠢呀，我扮晒醉，等佢問我『你鐘意係梳化定係床？』，但佢竟然叫我唔好飲咁多，然後提議送我番屋企。
港男就係咁不解溫柔，法國男仔就唔同。
話時話，你知我以前條仔Francois係法國人呀呵？」





「Fred，你知唔知上次我介紹你識個阿JOE幾賤精呀，雖然佢生得幾靚仔，但原來係斯文敗類，佢識我冇幾耐就問我『你鐘意係梳化定係床？』。賤得佢呀--
（呷一口Starbucks既mocha frap，微笑） 雖然我靚。」





「Fred，你唔可以鐘意我架。」

（幾時有呀？）

「你知啦，我話晒都係UCLA畢業，you know， we live in different worlds. 真係唔可以架。」





「Fred，點解會咁架？嗚.............你同阿Greg咁熟，你一定知道原因，佢做乜要咁做？」

「我真係唔知喎。」

「我一生人，只追求平凡簡單既感情，點解會俾人咁對待？嗚嗚.............」

「喂，你，你唔好咁啦。」

「其實應該係我飛佢至係，論靚仔，阿Greg又唔算， 身高又得個五尺七，論身家，佢又冇乜。O， Come on，渣咁多年都重係渣架思域仔，份工又唔叫好有前途。我要求已經唔算高架啦，但你話呀，佢有邊樣達到我既要求？我都估唔到自己可以被人糟蹋左咁多年呀！嗚嗚.............」

「0下？哦...........」

「我真係唔明，個日我沖涼，係鏡入面見到自己，都重叫靚女，身材又唔差，起碼唔會輸俾個上海Trainee呀，點解？點解？」

「errr...........」

「你知嗎，我最憎D大陸妹，一個二個貪錢到仆街。」






「Fred，我個名係咪叫港女？」



注1：以上部份內容是親身見聞。

注2：「港女」乃專有名詞，並非所有香港女性皆落入此分類。


原文出處: kykykyky's 垃圾場 - http://www.xanga.com/kykykyky/550428207/250333544220418.html


Tags - 港女 , 搞笑 , 無奇不有 ]]> http://www.kozue-studio.org/blog/read.php?&guid=0#topreply <user@domain.com> Thu, 01 Jan 1970 00:00:00 +0000 http://www.kozue-studio.org/blog/read.php?&guid=0#topreply