http://www.kozue-studio.org/blog/index.php zh-tw http://www.kozue-studio.org/blog/read.php? 女王 <> Sat, 28 May 2005 08:53:44 +0000 http://www.kozue-studio.org/blog/read.php? 舊公司比起之前更加混亂，大家鬥擦鞋、玩野。
那些正直之仕都被那些不按規則做事或玩手段既人激死。


例如我其中一個舊同事是做類似Assistant Enginneer(唔知道佢既職位名稱) 的職位，
照道理只需要做機械測試等專業範圍。但他竟然被人叫去換光管和整廁所．．．
只因為大廈的管理處唔包呢ｄ野。
換光管都算了，但整廁所就．．．叫佢去做個個人都好冇腦。


另外他還要負責將pack sample．．．但係o係d人call左送貨公司，
人地會隨時上來既時候先叫佢裝箱，仲要佢自己搵箱．．．唔好再早晨ｄ？
個個人仲要大大聲聲咁同我個舊同事講一定要搞掂。　
個度ｄ人做野就係咁不依章法，真要命。


還有他要負責改圖紙。其實只係用photoshop遮去內裡既一ｄ字，
或加ｄ字上去，叫一個中五生也可以應付，但卻要佢做．．．
有時一日內要改100張圖紙．．．難道Enginneer就係咁用既﹖
咁改圖紙既cost 都好貴下喎。


另一個case係．．．個秘書叫reception (身兼admin) 每天到大家樂買三文治給老闆，
但那位同事唔係under秘書的，而且那間大家樂距離公司有數條街之遙。
個個同事好唔順氣，曾經因此事而同佢嘈過。
結果秘書直接同老闆投訴，迫使reception既阿頭叫佢照做．．．


我離開舊公司之前是負責一個新系統的測試工作，但在整個測試其間，
我阿頭都冇同我一齊討論應該點測試、無planning、或問下我有冇碰到乜野困難。
講真以我咁既人工，冇可能連planning都由我做埋。
昨晚聽我ｄ舊同事講，佢依然將系統測試既部份丟俾佢下屬做就算，
換句話說，個系統有乜野function出事就由佢下屬負直接既責任，
而我聽聞個系統有好多問題e.g. 計錯數。好彩我當時果斷地走人，唔係都唔知點算。


個度有兩個部門阿頭好鐘意當住成班同事面前罵佢既下屬，
其中一位仲會用類似"蠢"既詞彙。奇怪地佢對女生好好．．．喃嘸－．－；


昨天聽到二則舊公司中既趣聞：

1. 話說有一位女仕剛剛生完ｂｂ，佢每日都要去廁所泵人奶。
公司的雪櫃都已經放滿了佢既產物。佢話屋企個雪櫃冇位放，
所以要借公司個雪櫃來存放．．．想到一打開雪櫃就見到佢既奶就覺得嘔心。
當時我立即諗起早前大陸有人搞人乳宴，用人乳來煮菜．．．
其實如果只是放 2 - 3 枝我覺得可以接受，但像她這樣多的話．．．
忽然間想起男仕可唔可以因此而告佢性騷擾？


2. 舊公司打算幫剛收購回來的公司買另一套跟我之前測試的系統同一類型既軟件．．．
自己個個都未搞掂就想轉用另一牌子，如果最後發現兩個轉軟件之間既資料唔可以互通，
那真是一個天大的笑話了


Tags - 工作 , 碎碎念 ]]> http://www.kozue-studio.org/blog/read.php?&guid=0#topreply <user@domain.com> Thu, 01 Jan 1970 00:00:00 +0000 http://www.kozue-studio.org/blog/read.php?&guid=0#topreply